இந்நிலையில் பல்வேறு தகவல் தொழில்நுட்ப மென்பொருள் தயாரிப்பு நிறுவனங்கள் கிரிக்கெட் போட்டிகளை மேலும் நியாயமான முறையில் நடத்தப் பயன்படும் மென்பொருட்களை தயாரிப்பதில் உற்சாகமடைந்துள்ளன.

கிரிக்கெட் சாதனைகளை ஒப்பு நோக்குகையில், மென்பொருள் துறையில் சாதனைகளை நிகழ்த்தி வரும் இந்திய மென்பொருள் தயாரிப்பு நிறுவனங்களில் சில ஏற்கனவே இந்த தயாரிப்புகளில் களமிறங்கியுள்ளன.

நடுவர் தவறுகளை தங்கள் வர்த்தகத்திற்கான வாய்ப்புகளாக மாற்ற முயல்கின்றன இந்த நிறுவனங்கள்.

மிகப்பெரிய அவுட்சோர்சிங் நிறுவனங்கள் சில கிரிக்கெட் ஆட்டத்தின் ஒவ்வொரு அசைவுகளையும் மென்பொருள் ரீதியாக படம் பிடித்து தீர்ப்புகளை அவ்வப்போதே விரைவாக வழங்கும் விதமான மென்பொருட்களை தயாரிப்பதில் மும்முரம் காட்டி வருகின்றன.

கர்நாடகத்தைச் சேர்ந்த இந்திய முன்னாள் வீரர் விஜய் பரத்வாஜ் இன்னொருவருடன் இணைந்து துவங்கிய ஸ்வாந்தா சாஃப்ட்வேர் சொல்யூஷன்ஸ் நிறுவனம், ஆஸ்திரேலிய கிரிக்கெட் வாரியத்தின் மேம்பாட்டு மேலாளர் ராஸ் டர்னரிடம் நடுவர் தீர்ப்புகள் தொடர்பான 3வது கண் என்ற ஒரு மென்பொருள் தீர்வுகளை வழங்கியுள்ளது.

இந்த மென்பொருள் எப்படி செயல்படும் என்பது கிரிக்கெட் ஆஸ்திரேலியாவிற்கு விளக்கப்பட்டுள்ளது. ஆஸி வாரியத்தின் முடிவுகளுக்காக காத்திருப்பதாக அந்த நிறுவனம் தெரிவித்துள்ளது.

"MsN"